Lo Último

2289. Paz para sempre

Perseguironos con saña.
Detivéronos con sevicia.
Torturáronos con sadismo.
Encarceráronos sen causa.
Xulgáronos sen xustiza.
Paseáronos sen piedade.

Así os mataron.

E impuxeron o terror.
E impuxeron a calumnia.
E impuxeron a falsificación.
E impuxeron a censura.
E impuxeron o silencio.
E impuxeron o esquecemento.

E así trataron de rematalos.

Contra o exterminio atroz
Das súas vidas desfeitas
E contra o esquecemento inxusto
Do silencio cómplice
queremos manter viva para sempre
a memoria galega
das vítimas do fascismo,
en solidariedade
con todas as comunidades do mundo
que padecesen calquera ditadura do terror.



Porque como aquelas vítimas
Queremos liberdade para sempre.
Porque por aquelas vítimas
Para sempre queremos xustiza.

Porque a realidade é o desexo,
PAZ PARA SEMPRE


Claudio Rodríguez Fer


Fotografía: Monumento a los represalidos de A Coruña. Se trata de un conjunto de menhires en forma de estrella, obra del escultor Valdi, donde se encuentran grabados los nombres de las 600 víctimas de la comarca. En el centro, y sobre otro menhir el poema Paz para sempre de Claudio Rodríguez Fer



No hay comentarios:

Publicar un comentario en la entrada